Volkstümliche Sprichwörter,
Redensarten und Lebensweisheiten

A alter Baum loßt se nemme verpflanza.
A Goiß isch Kuah vom kloina Ma.
À guater Gaul ziaht zwoimaul.
A Kreuz isch in jedem Haus,
bloaß hängt mas it voarna naus.
A krumms Holz geit au grads Fuir.
A vrschitts Wasser kasch nemme aufheba.
A warms Reagala tuat allawei guat.
Alle wollet lang leaba und doch it alt weara.
Am Morga früah dra, bisch da ganza Tag a Ma.
Au dr gscheideschta Katz ka amol a Maus vertrinne.
Auf en groba Klotz gheart a grobr Keil.
Aufs Hearasaga ka ma si it verlau.
Beim guata Weatr muaß ma ‘s Dächle mitnemma,
daß mas beim Reagaweatr hot
Besser ohne Essa ins Bett gauh, als mit Schulda aufstauh.
Besser schlecht gfahra wia guat gloffa.
Bloß it hudla!
D’ Hoimat learnat ma erscht in dr Fremda schätza.
D’ Mädla und d’ Fleah sind it guat hüata.
D’ Welt isch schea, aber um d’ Hälfte z’ tuir,
Dau beißt d’ Maus koin Fada a.
Dau haut bloß no a Muggesäckele gfehlt.
Dau leit dr Hund begraba.
Dau mechtsch grad in Huat nei stauh und
bei dr Gupfa nausbella.
De guate Eifall kommat hintadrei.
De scheane Täg lobt ma earscht z’ aubeds.
Dear hot’s Lacha und ‘s Heina in oin Säckle.
Denka derf ma allz, abr it allz saga.
Des gauht auf koi Kuahhaut nauf.
Die dümmschte Baura hant greaschte Kartoffel.
‘Dia ka koi Wässerle trüabe.
Diamaul findt a blinda Henn au a Kügele.
Diamaul mecht ‘s Oi gscheider sei wia d’ Henn.
Die kloine Krota hant au a Gift.
Die kloine Spitzbuaba henkt ma. und voar
de groaße tuat ma da Huat ra.
‘Dopplat gnäht hebt besser.
Dr bescht Reiter fällt amaul vom Roß.
Dr Bschiß kommt auf da Tisch (ans Tageslicht).
Dr Pfarr predigt au it zwoimaul.
Dr Wenn und dr Hätt hot nia ebbes ghet.
Ein Zoara macht ma meahr hi wia guat.
Es isch besser, wenn’s tröpflat. wia wenn’s gar it renglat.
Es isch nix gschwinder. als z’ früah gred.
Es isch no nia koi Moischter vom Hemmel gfalla.
Es lauft glei meah a andera Sau durs Dorf.
Es redt koiner dümmer, als er isch.
Es sucht koiner da andra hintram Ofa,
wenn ‘r net sell scho drhinta gwea isch.