Volkstümliche Sprichwörter,
Redensarten und Lebensweisheiten

`s Beata und `s Schaffa gheart zäma.
`s Eise muaß ma schmieda, solang `s hoiß isch.
`s Falla isch koi Konscht, aber `s Aufstauh.
`s Falla isch koi Schand, aber `s Liegableiba.
`s isch halt, wia `s isch, und `s gauht halt, wia `s gauht.
`s kommt allawei andrsch, wia ma moit.
Gega da Toad isch koi Kräutle gwachsa.
Gsait isch gsait, dös kam a nemma ausputza.
Guat eibürschtat isch halba gwäscha.
Hearasaga isch scho halba gloga.
Hohe Feuerle brennet it lang.
I kennt mi glei sell beir Näs nemma.
I kennt miar da Buggl vool lacha.
I wirf diar au meah amaul en Stoi in Garte.
Im Sommer spara, nau hausch im Wintr wara.
Im Zoara tuat ma allz, bloß nix Gscheits.
In d` Weita isch guat lüaga.
In dr Jugend muaß ma si en Stecka schneida, daß
ma im Alt dra loffa ka.
It alle Wettr schlagat ei.
I hau it `s Heaz ghet.
Je greaßr dr Lomp, je greaßr `s Glück.
Jeder Kraumer lobt sei War.
Jedr Sparer haut sei Zehrer.
Jeds Haus haut sei Kreuz.
Kenna vor Lacha.
Kommt dr Zoara, gauht dr Versiand.
Lant it luck!
Liaber wenig und guat als viel und schlecht.
Liabr gar koi Wettr wia a so a nixigs.
Loß di it lumpa.
Loß di na hoigeiga.
Luscht ond Liab zum Ding macht alle Müch ond Arbet gring.
Ma gauht geara futt, abr liabr meah hoi.
Ma ißt nix so hoiß, wia ma `s kocht.
Ma muaß `s Rad schmiera, wenn `s gauh soll.
Ma muaß `s Wasser net in Lech traga.
Ma muaß allaweil `s Bescht hoffa, `s Schlecht kommt von sell.
Ma muaß d` Kirch beim Dorf lau.
Ma muaß da Stier bei de Hoara packa.
Ma muaß hintersche und fürsche denka.
Ma sieht in d` Leit bloß na, it nei.
Ma sott d`Katz it im Sack kaufa.
Ma sott da Tag it voarm Aubat loba.
Ma sott net da Teufel it an d` Wand maula,
er kommt scho von sell.
Ma sott net zom Schmiedle gauh,
liaber glei zom Schmied.
Ma sott z´earscht voar dr oigena Tür keahra.
Ma vergrabt koin, voar `r gstorba isch.
Mi ruit `s, soviel i Haur aufm Kopf hau.
Mit ander Leut Sacha isch guat hausa.
Moina hoißt, nix wissa.
Nauchbaurs Äpfel send die beschte.
Net alle Wolka bringat en Reaga.
Nix weard ma wohl no sa derfa.
Nuia Beasa keahrat guat.
Oi Hand wäscht die andr.
Oimaul isch koimaul.
Probiera goht übers Studiera.
Probiera koscht nix.
Ragrissa wia dr Vatr.
Sell doa, isch doa.
Solang dr Stoi rollt, setzt`r koi Moos a.
Solang ma an gsunda Leib hot, sott ma it jaumra.
Solang ma orglat, isch d` Kirch net aus.
Schea langsam kommt ma au zum Ziel.
Überall hot ma en Kemme, dear a weng raucht.
Umkeahrt isch au gfahra.
Ums Haur war`s ganga.
Versprecha und halta isch zwoierloi.
Versprecha isch ebbes bald, aber it so bald ghalta.
Voar de verstohlene Leut ka ma se hüata,
aber voar de verlogene it.
Vom Hearasaga kommt d` Luaga ins Land.
Wia ma si sell eibrockt, muaß ma au sell auslöffla.
Wau dr Geldbeutel afangt, dau höart
d` Gmüatlichkeit auf.
Weaga oin dürra Ascht haut ma da Baum non et um.
Wear austoilt, muaß au eistecka.
Wear da Karra in da Dreck neigeschoba haut,
dear soll `n au meah rausziaha.
Wear geara trait, deam ladt jeder ebbes auf.
Wear it fraugat, weard nix inna.
Wear lüaga will, dear muaß a guats Gedächtnis hau.
Wenn´s auf d´ Gröaße akäm, no tät
d´ Kuah da Hasa fanga.
Wer lacht, leabt länger, und wer lang leabt,
haut nix zum Lacha.
Wia dr Herr, so `s Gscherr.
Wia ma d´ Kindr ziaht, so haut ma s´.
Wia ma da Narra nennt, kommt ´r scho grennt.
Wia ma si bettet, so leit ma.
Wia ma ins Holz neischreit, so schreit´s meah raus.
Wo ma a Glück haut, kälberat au dr Molla.
Wo ma hoblat, geit´s Späh.
Wo ma viel Mischt hot, hot ma viel Geld.
Wo´s Geld isch, isch dr Teufl, und wo koins isch,
isch ´r zwoimaul.