D´ Schwobamädla, d´ Schwobamädla
Sind so herzig und so fei`,
Als wia aus de Dockalädla
Nette Döckla aus und ei`!
D´ Schwobamädla, d´ Schwobamädla
Sind so blink und sind so blank,
Flink als ginget se en Drähtla
Und derbei wia d´ Rehla schlank.
D´ Schwobamädla, d´ Schwobamädla
Sind so hellauf und so knütz,
D´ Aeugla heil wia Fuierrädla
D´ Mäula süass und d´ Züngla spitz,
D´ Schwobamädla, d´ Schwobamädla
Jeder hat sein Gfalla dra
Aber an dia Ulmermädla
Könnet se halt doch net na!
Ja dia Ulmer Schwobamädla
Stechet älle andre aus,
Se sind ang`nehm wia Resedla
Im a Gärtle vor em Haus.
Schwobamädla- Ulmermädla
Gelt dei` Herzle macht Ticktack.
Liab sind älle Schwobamädla
D`Ulmermädla dia sind g`schmack.

Feldpostkarte 25.8.1915